ბლოგების კონკურსში გამარჯვებულთა დაჯილდოება

29 მაისს თბილისში, სასტუმრო შერატონ მეტეხი პალასში მოეწყო ბლოგების კონკურსში გამარჯვებულთა დაჯილდოების ცერემონია. კონკურსის ჟიურის წევრებმა პირადად გადასცეს პრიზი - პლანშეტი Samsung Galaxy  და სერტიფიკატი პირველ ადგილზე გასულ ბლოგერებს. დანარჩენ საპრიზო ადგილზე გასულ მოსწავლეებს, ქვემო ქართლში ასეთი 10 ახალგზარდაა, სიქა პრიზებს ადგილზე გადასცემს. 

მარიამ თეზელაშვილი და ქეთი ბერიძე

ასევე დაჯილდოვდნენ სამოქალაქო კლუბების რეგიონული ქსელის ბლოგერებში პირველ და მეორე ადგილებზე გასული ახალგაზრდებიც. ამ ნომინაციაში კონკურსი წელს პირველად ჩატარდა. პრიზიორებს შორის მოხვდნენ ქვემო ქართლის მოსწავლეებიც: ქეთი ბერიძე და მარიამ თეზელაშვილი. მათ, როგორც მეორე ადგილზე გასულ ბლოგერებს გადაეცათ ფოტოაპარატები და სერტიფიკატები.

შეგახსენებთ, რომ ეს იყო რიგით მეხუთე კონკურსი, გამოცხადებული PH International-ის მიერ "სამოქალაქო განათლებისა და პედაგოგთა გადამზადების პროგრამის" ფარგლებში. ქვემო ქართლის რეგიონიდან სულ 31 გამარჯვებულია, მათ შორის I ადგილი მოიპოვა 6 მოსწავლემ,  II - 14 მოსწავლემ, III - 11 მოსწავლემ.

ყველას ვულოცავთ ამ გამარჯვებას და წარმატებებს ვუსურვებთ!

დასრულდა სამოქალაქო განათლების საგაზაფხულო ბანაკი 2014-ის მესამე ნაკადი

27 მაისს დასრულდა სიქას მიერ ორგანიზებული "სამოქალაქო განათლების საგაზაფხულო ბანაკი"-ს მესამე ნაკადი. ბანაკი მოეწყო "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც USAD-ის დაფინანსებით PH International ახორციელებს. პროგრამის ფარგლებში სიქამ 4 წლის მანძილზე უკვე მე-11 ბანაკი განახორციელა, მთლიანად ბანაკებში მონაწილეობა მიიღო 1000-ზე მეტმა მოსწავლემ და პედაგოგმა საქართველოს 11 რეგიონიდან.

სტუმარი სამოქალაქო განათლების საგაზაფხულო ბანაკში

23 მაისს სამოქალაქო განათლების საგაზაფხულო ბანაკს ცნობილი ბიზნესმენი, კომპანია "დიოს" დამფუძნებელი და აღმასრულებელი დირექტორი თამაზ დაუშვილი ესტუმრა. ბიზნესმენი გაეცნო სამოქალაქო კლუბების საქმიანობას, განხორციელებულ წარმატებულ პროექტებს, ახალგაზრდებს ესაუბრა სამეწარმეო უნარების განვითარების მნიშვნელობაზე. საკუთარი პრაქტიკის მაგალითზე ბ–ნმა თამაზმა ხაზი გაუსვა საქმისადმი თავდადებისა და შრომისმოყვარეობის მნიშვნელობას წარმატებული ბიზნესის მართვის საქმეში.

სამოქალაქო განათლების საგაზაფხულო ბანაკის მესამე ნაკადი დაიწყო

22 მაისს სიქამ სამოქალაქო განათლების საგაზაფხულო ბანაკის მესამე ნაკადი დაიყო. ბანაკში საქართველოს თერთმეტი რეგიონის 100 წარმომადგენელი იღებს მონაწილეობას. ბანაკის განმავლობაში მონაწილეები სიქა-ს გამოცდილი ახალგაზრდული ლიდერების დახმარებით აქტიურად ჩაერთვებიან საბანაკე აქტივობებში, შეხვდებიან საინტერესო მოწვეულ სტუმრებს და სხვა.

სამოქალაქო განათლების საგაზაფხულო ბანაკი ეწყობა "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც USAID-ის დაფინანსებით ახორციელებს ორგანიზაცია PH International. სიქა წარმოადგენს პროგრამის პარტნიორს ქვემო ქართლის რეგიონში და ასევე საგაზაფხულო ბანაკის ორგანიზატორს.

პროგრამის საბოლოო შემაჯამებელი რეგიონული ღონისძიება

19 მაისს რუსთავში სიქა-ს ორგანიზებით ჩატარდა "სამოქალაქო განათლებისა და პედაგოგთა გადამზადების პროგრამის" დასკვნითი შემაჯამებელი ღონისძიება, რომელსაც დაესწრო ქვემო ქართლის 7 მუნიციპალიტეტის პროგრამის პარტნიორის სკოლების სამოქალაქო კლუბების წევრები და მეურვეები, ადგილობრივი თვითმმართველობის, არასამთავრობო ორგანიზაციების წარმომადგენლები, მშობლები, ადგილობრივი მედია. შეხვედრაზე პროგრამის პარტნიორმა ორგანიზაციამ ქვემო ქართლის რეგიონში - სიქამ მიმოიხილა პროგრამის ოთხწლიანი მიღწევები; რეგიონში პედაგოგთა ფორუმის კოორდინატორმა ლიანა ღუღუნიშვილმა წარმოადგინა ფორუმის მუშაობის ანგარიში, წარმატებული კლუბების წევრებმა ისაუბრეს განხორციელებულ

პროექტებსა  და ინიციატივებზე, ბლოგერებმა დამსწრეებს გაუზიარეს ბლოგების კონკურსზე მიღწეული წარმატებები. ღონისძიების დასასრულს პროგრამის ხემძღვანელი ორგანიზაციის PH International-ის წარმომადგენელმა გამოაცხადა ტექნიკის კონკურსში გამარჯვებული ქვემო ქართლის სკოლები და მათ წარმომოადგენლებს გადასცა სერტიფიკატები.

ტექნიკის კონკურსში გამარჯვება მოიპოვეს შემდეგმა სკოლებმა:

რუსთავის #7 საჯარო სკოლა

საუკეთესო პაკეტი (პროექტორი, პროექტორის ეკრანი, ლეპტოპი, პრინტერი-ქსეროქსი-სკანერი, ვიდეო კამერა, ფოტოაპარატი და ფლეშ მეხსიერება) :

1. მარნეულის #5 საჯარო სკოლა 
2. ბოლნისის #5 საჯარო სკოლა
3. მარტყოფის #2 საჯარო სკოლა
4. რუსთავის #1 საჯარო სკოლა
5. რუსთავის #7 საჯარო სკოლა

კარგი პაკეტი (ლეპტოპი, პრინტერი-ქსეროქსი-სკანერი, ვიდეო კამერა, ფოტოაპარატი და ფლეშ მეხსიერება):

მარნეულის #3 საჯარო სკოლა

1. მარნეულის #3 საჯარო სკოლა
2. წალკის #1 საჯარო სკოლა
3. რუსთავის #4 საჯარო სკოლა

სესია ჯანსაღი ცხოვრების წესზე

"სამოქალაქო განათლებისა და პედაგოგთა გადამზადების პროგრამის" ფარგლებში 17 მაისს სიქა-ს ოფისში მოეწყო სესია ცხოვრების ჯანსაღი ცხოვრების თემაზე. სესიას დაესწრნენ რუსთავის #4, #11, #12 და #13 საჯარო სკოლების სამოქალაქო კლუბის წევრები. მოსწავლეები მიიღეს ინფორმაცია თამბაქოს მავნებლობის, აივ ინფექციის, ნარკომანიის და ნაადრევი ქორწინების შესახებ. გაიმართა დისკუსია აღნიშნული თემების ირგვლივ. შემდეგ მოეწყო ფილმის "სტიგმა" ჩვენება-განხილვა და შეხევდრის დასასრულს მოსწავლეებს დაურიგდათ საინფორმაციო ბუკლეტები.
სესიები ცხოვრების ჯანსაღი ცხოვრების წესზე დაგეგმილია პროგრამის პარტნიორი გარდაბნის, მარნეულის, ბოლნისის და რუსთავის სკოლების მოსწავლეებისთვის, რომელიც ჩატარდება მაის-ივნისში.

სამოქალაქო განათლების პედაგოგთა ფორუმის თავჯდომარე ნინო ბესელია ბანაკის მონაწილეებს შეხვდა

13 მაისს სამოქალაქო განათლების საგაზაფხულო ბანაკს სამოქალაქო განათლების პედაგოგთა ფორუმის თავჯდომარე ნინო ბესელია სტუმრობდა. ქ-ნმა ნინომ საინტერესო ვორკშოპი ჩაატარა აქტიური მოქალაქობისა და სამოქალაქო ჩართულობის თემაზე. შეხვედრა ინტერაქტიულ ხასიათს ატარებდა, მოსწავლეებისა და პედაგოგების აქტიური ჩართულობით. მოწვეული სტუმარი მოხიბლული დარჩა მოსწავლეთა გამოცდილებითა და მოქალაქეობრივი უნარ-ჩვევებით.

საგაზაფხული ბანაკს ადამიანის უფლებათა დამცველი თამარ გურჩიანი სტუმრობდა

12 მაისს სიქას მიერ ორგანიზებულ სამოქალაქო განათლების საგაზაფხულო ბანაკს ადამიანის უფლებათა დამცველი თამარ გურჩიანი სტუმრობდა. სტუმარმა მიმოიხილა ადამიანის უფლებათა დაცვის საკითხი მსოფლიოს სხვადასხვა ქვეყნებში, მათ შორის - თუ რა მდგომარეობაა ამ კუთხით საქართველოში; ადამიანის უფლებების ცნების წარმოშობისა და განვითარების ისტორია, ადამიანები, რომლებსაც დიდი წვლილი აქვთ ამ სფეროს განვითარებაში. მონაწილეებმა მოწვეულ სტუმარს დაუსვეს კითხვები საქართველოს რეალობაში ადამიანის უფლებების დაცვით კუთხით აქტუალურ თემებზე.

სამოქალაქო განათლების საგაზაფხულო ბანაკს ცნობილი ქართველი ჟურნალისტი ნინო ზაუტაშვილი ესტუმრა

10 მაისს სიქა-ს მიერ ორგანიზებულ სამოქალაქო განათლების საგაზაფხულო ბანაკს ცნობილი ქართველი ჟურნალისტი ნინო ზაუტაშვილი ესტუმრა. სტუმართან საინტერესო დიალოგი წარიმართა, ბანაკის მონაწილეებმა და მოწვეულმა სტუმარმა ისაუბრეს მრავალ აქტუალურ საკითხზე, მოქალაქეობრივ პოზიციაზე, ფასეულობებზე, დემოკრატიაზე... 

-მიხარია, რომ ასეთი კარგად მოაზროვნე და აქტიური ახალგაზრდა თაობა იზრდება. ბანაკი კარგი შანსია სხვადასხვა რეგიონის ახალგაზრდებისათვის გაეცნონ საქართველოს სხვა მხარეების ახალგაზრდების საქმიანობას, მიიღონ ცოდნა და განივითარონ საჭირო უნარ-ჩვევები. - გვითხრა შეხვედრის დასასრულს ქ-მა ნინომ.

სამოქალაქო განათლების საგაზაფხულო ბანაკის მეორე ნაკადი დაიწყო

9 მაისს სიქა-მ სამოქალაქო განათლების საგაზაფხულო ბანაკის მეორე ნაკადი დაიწყო. ბანაკი წყალტუბოში იმართება და მასში მონაწილეობას იღებენ საქართველოს 11 რეგიონის წარმომადგნელები. 5 დღის განმავლობაში საქართველოს რეგიონის წარმომადგენელ 90 მოსწავლესა და 11 პედაგოგს ბანაკის გუნდი საინტერესო და მრავალფეროვან პროგრამას შესთავაზებს. ბანაკი ხორციელდება სამოქალაქო განათლებისა და პედაგოგთა გადამზადების პროგრამის ფარგლებში, რომელსაც USAID-ის დაფინანსებით ახორციელებს PH International.

სამოქალაქო განათლების საგაზაფხულო ბანაკის პირველი ნაკადი დასრულდა

1 მაისს წარმატებით დასრულდა სიქა-ს მიერ ორგანიზებული სამოქალაქო განათლების საგაზაფხულო ბანაკის პირველი ნაკადი. ბანაკში მონაწილე საქართველოს ყველა რეგიონის წარმომადგენელმა მოსწავლეებმა და სამოქალაქო განათლების პედაგოგებმა სახალისო საბანაკე ცხოვრებასთან შერწყმული ტრენინგებისა და საინტერესო მოწვეულ სტუმრებთან დისკუსიების ფონზე შექმნეს კონკრეტულ მუნიციპალიტეტებში არსებული პრობლემების მოგვარებაზე გათვლილი პროექტები. მაისის თვეში ბანაკის კიდევ ორი ნაკადი იგეგმება. სამოქალაქო განათლების საგაზაფხულო ბანაკი სამოქალაქო განათლებისა და პედაგოგთა გადამზადების პროგრამის ფარგლებში ხორციელდება, რომელიც USAID -ის დაფინანსებით PH International -ის მიერ ხორციელდება.

ქვემო ქართლის რეგიონის მოსწავლეების წარმატება ბლოგების კონკურსზე

"სამოქალაქო განათლებისა და პედაგოგთა გადამზადების პროგრამის" ფარგლებში 2014 წლის მარტი-აპრილში მიმდინარეობდა კონკურსი "სოციალური მედია სამოქალაქო ინიციატივებისათვის". ბლოგების კონკურსში მონაწილეობის მისაღებად 7 სხვადასხვა თემატურ ნომინაციაში დარეგისტრირდა 200-ამდე მოსწავლე საქართველოს 11 რეგიონიდან, აქედან 20 ქვემო ქართილდან. 

კომპეტენტურმა ჟიურიმ გამოავლინა სულ 32 გამარჯვებული მოსწავლე, მათ შორის 10 ქვემო ქართლიდანაა. ესენი არიან:

ნომინაცია: ახალგაზრდა განმანათლებელი

მეორე ადგილი: 

თინათინ კობერიძე - მარნეულის #5 საჯარო სკოლა http://koberidzetiko.wordpress.com/
ანა მახნიაშვილი - კაზრეთის #1 საჯარო სკოლა http://anamakhniashvili.wordpress.com/
მესამე ადგილი:  

ნიკა მჭედლიშვილი - რუსთავის #21 საჯარო სკოლა http://geografian.wordpress.com/ 

ნომინაცია: ახალგაზრდა ომბუდსმენი

მესამე ადგილი:

ელენე აბესაძე - მარნეულის #5 საჯარო სკოლა http://eleneabesadze.wordpress.com/ 

ნომინაცია: ბუნების დამცველი 

მეორე ადგილი:

ნინო ქველაძე -მარნეულის #5 საჯარო სკოლა http://ninikoqveladze.wordpress.com/ 

მესამე ადგილი:

სოსო კაიშაური - რუსთავის #15 საჯარო სკოლა http://bunebisdamcveli1.blogspot.com/ 

ნომინაცია: ჯანსაღი ცხოვრების ადვოკატი 

მეორე ადგილი:

თამაზ სირაბიძე - კაზრეთის #1 საჯარო სკოლა http://cxovrebiswesi.wordpress.com/

ნომინაცია: მოქალაქე ჟურნალისტი

მეორე ადგილი:

თამარ გელოვანი - რუსთავის #26 საჯარო სკოლა http://youngjournalisttata.wordpress.com/

ნომინაცია: სასკოლო სამოქალაქო კლუბის ბლოგი

მეორე ადგილი:

ანი კორინთელი - რუსთავის #20 საჯარო სკოლა http://20sclub.wordpress.com/ 

მესამე ადგილი:

 თაკო იოსელიანი - რუსთავის #17 საჯარო სკოლა http://club-temida.blogspot.com/ 

ყველა გამარჯვებულს ვულოცავთ!!!
კონკურსის შედეგები შეგიძლიათ იხილოთ აქ 

 http://civics.ge/uploads/blog_contest_winners_april_2014_final.pdf