23 მაისს სიქა-ს ოფისში შედგა მეორე სამუშაო შეხვედრა ვიქტორინის "ეთნოსები და რელიგიები საქართველოში" ორგანიზატორებსა და მონაწილეებს შორის. ვიქტორინას ატარებს საქართველოს სახალხო დამცველთან არსებული ტოლერანტობის ცენტრი და მასში მონაწილეობას მიიღებენ "სამოქალაქო განათლებისა და პედაგოგთა გადამზადების პროგრამის" პარტნიორი სკოლის მოსწავლეები ქვემო ქართლის, შიდა ქართლის, თბილისისა და მცხეთა-მთიანეთის რეგიონებიდან.
ვიქტორინაში მონაწილე რუსთავის #15, მარნეულის #5 და გარდაბნის #1 საჯარო სკოლის მოსწავლეებმა ტოლერანტობის ცენტრის წარმომადგენლებს დაუსვეს ვიქტორინასთან დაკავშირებული მათთვის საინტერესო კითხვები. ტოლერანტობის ცენტრის ხელმძღვანელმა ბექა მინდიაშვილმა ამომწურავად გასცა პასუხი დასმულ კითხვებზე, რჩევები მისცა ახალგაზრდებს ვიქტორინისთვის უკეთ მოსამზადებლად და წარმატებები უსურვა.
ვიქტორინა "ეთნოსები და რელიგიები საქართველოში" 3 ივნისს ჩატარდება თბილისში, რომელზეც გამარჯვებული დაჯილდოვდება სპეციალური პრიზით, ხოლო მონაწილეებს საჩუქრად გადაეცემათ ცენტრის მიერ მომზადებული სახელმძღვანელოები.
No comments:
Post a Comment